Monday, January 20, 2025
Huisஉலகம்ட்ரம்ப் பதவியேற்கும் போது அரைக் கம்பத்தில் பறக்கவுள்ள அமெரிக்க தேசியகொடி..!

ட்ரம்ப் பதவியேற்கும் போது அரைக் கம்பத்தில் பறக்கவுள்ள அமெரிக்க தேசியகொடி..!

அமெரிக்க ஜனாதிபதியாகத் தெரிவு செய்யப்பட்டிருக்கும் ட்ரம்ப், ஜனவரி 20ஆம் திகதி ஜனாதிபதியாகப் பதவியேற்கும் போது, அந்நாட்டுத் தேசியகொடி அரைக் கம்பத்தில் பறந்து கொண்டிருக்கும்.

அமெரிக்க முன்னாள் ஜனாதிபதி, மறைந்த ஜிம்மி கார்ட்டர் தன்னுடைய 100வது வயதில் காலமானார். அவரது மறைவுக்குத் துக்கம் அனுசரிக்கும் வகையில் அமெரிக்கத் தேசிய கொடி அரைக் கம்பத்தில் பறக்கவிடப்படும் என்று அந்நாட்டின் தற்போதைய ஜனாதிபதி ஜோபைடன் உத்தரவிட்டுள்ளார்.

ஜனாதிபதியாகப் பதவியேற்கும் வரை டொனால்ட் ட்ரம்ப் எந்த உத்தரவையும் பிறப்பிக்க முடியாது என்பதால், அமெரிக்கத் தேசிய கொடி அரைக் கம்பத்தில் பறக்கும் நடவடிக்கையில் அவரால் எதையும் செய்ய இயலாது என்கின்றன தகவல்கள்.

வழக்கமாக அமெரிக்காவில் ஜனாதிபதியோ அல்லது முன்னாள் ஜனாதிபதியோ மரணமடையும் போது, அரச அலுவலகக் கட்டடங்கள், அதன் வளாகங்கள், அமெரிக்க தூதரகங்கள், பாதுகாப்புப் படை அலுவலகங்களில் தேசிய கொடி 30 நாட்களுக்கு அரைக்கம்பத்தில் தான் பறக்கவிடப்படும்.

அதன்படி, தற்போது அமெரிக்காவில் அரைக் கம்பத்தில் பறக்கவிடப்பட்டிருக்கும் தேசிய கொடி ஜனவரி 28ஆம் திகதி வரை அவ்வாறே நீடிக்கும்.

டொனால்ட் டிரம்ப் அமெரிக்க ஜனாதிபதியாகப் பதவியேற்கும் ஜனவரி 20ஆம் திகதியும், அவரது ஆட்சி தொடங்கிய முதல் வாரம் முழுவதும் அமெரிக்கத் தேசிய கொடி அரைக் கம்பத்தில்தான் பறந்து கொண்டிருக்கும் என்று தகவல்கள் தெரிவிக்கின்றன.

RELATED ARTICLES
- Advertisment -spot_img

Most Popular

Recent Comments

error: Alert !!